Կարծիք կա, որ 20-րդ դարի 4 մանկավարժները՝ ամերիկացի Ջ. Դյուին, գերմանացի Գ. Կերշենշտեյները, իտալուհի Մ. Մոնտեսորին և խորհրդային մանկավարժ Ա. Մակարենկոն դաստիարակության մեջ հեղափոխություն իրականացրին:
Մարիա Մոնտեսորին ձևակերպել է կարճ պատվիրան-հիշեցումներ ծնողների համար: Դրանք պարզ բաներ են, բայց եթե խորանանք դրանցից յուրաքանչյուրի մեջ, կպարզվի՝ բազմահատոր իմաստություն է՝ ամփոփված մի քանի բառի մեջ: Խորհուրդ է տրվում տարին գոնե մեկ անգամ վերընթերցել այս ցուցակը։ Այդ դեպքում երեխաների հետ փոխհարաբերությունները կարող են որակապես այլ մակարդակի հասնել, իսկ երեխան ավելի զարգացած ու ներդաշնակ անձնավորություն կդառնա։
- Երեխային ուսուցանում է իրեն շրջապատող միջավայրը:
Երեխան ցանկացած բան սովորում է իր շրջապատից, լինի դա դաստիարակչական, թե ուսուցողական։
- Եթե երեխային հաճախ քննադատում են, նա սովորում է դատապարտել:
Եթե հաճախ քննադատում են, երեխայի ինքնագնահատականը ինքնըստինքյան իջնում է։
- Եթե երեխային հաճախ են գովում, նա սովորում է գնահատել:
Երեխային գովել կարելի է, բայց չափի մեջ։
- Եթե երեխային վերաբերվում են թշնամաբար, նա սովորում է կռվել:
Երեխայի հետ պետք է լինել սիրալիր, ոչ թե կռվել կամ թշնամաբար վերաբերվել, այն այնուհետև ազդում է երեխայի շփման վրա։ Նա կոնֆլիկտային կարող է դառնալ։
- Եթե երեխայի հետ ազնիվ են, նա սովորում է արդար լինել:
Ճիշտ է, երեխան ինչ տեսնում է դա է անում, օրինակ է վերցնում մեծից՝ծնողից, դաստիարակից։
- Եթե երեխային հաճախ են ծաղրում, նա վախկոտ լինել է սովորում:
Եթե ծաղրում են, երեխայի ինքնագնահատականը իջնում է, նա կարծում է, որ լավը չէ կամ ունի ինչ֊որ խնդիր, որը ժամանակին չի նկատել, իսկ այժմ բոլորը նկատել և ծաղրում են։
- Եթե երեխան ապրում է ապահովության զգացումով, նա սովորում է հավատալ:
- Եթե երեխային հաճախ են պախարակում, նա սովորում է մեղավոր զգալ:
Երեխաներին չի կարելի քննադատել, պետք է հանգիստ բացատրել, թե որտեղ է եղել իր սխալը։
- Եթե երեխային հաճախ են հավանություն տալիս, նա սովորում է ինքն իրեն լավ վերաբերվել:
Այո, երեխային պետք է գովել, բայց չափի մեջ։ Եթե ցածր է ինքնագնահատականը, գովելով նրա ինքնագնահատականը կբարձրանա։
- Եթե երեխայի նկատմամբ հաճախ են հանդուրժող լինում, նա սովորում է համբերատար լինել:
Ոչ միշտ է պետք հանդուրժել։
- Եթե երեխային հաճախ են ուրախացնում, նա ինքնավստահություն է ձեռք բերում:
Այո, սակայն ինքնավստահությունը ուրախությամբ չեն ձեռք բերում միայն։
- Եթե երեխան ապրում է համերաշխ մթնոլորտում և իրեն պիտանի է զգում, նա սովորում է սեր գտնել այս աշխարհում:
Այո, երեխայի հետ պետք է լինել սիրալիր և ոչ միայն երեխայի։ Մարդը ինչպես վերաբերվում է դիմացինի հետ, այնպես էլ դիմացինն է վարվում։
- Երեխայի մասին վատ մի խոսեք նրա ներկայությամբ կամ առանց նրա:
Ճիշտ է , այդպես կիջնի ինքնագնահատականը։
- Կենտրոնացեք երեխայի մեջ լավի զարգացմանն այնքան, որ վատի համար տեղ չմնա:
Այսինքն պետք է ձգտել զարգացնել երեխային այնքան, որ չզարգացվածությունները վերանան։
- Միշտ լսեք և պատասխանեք Ձեզ դիմող երեխային:
Երեխային ընդհատել չի կարելի, պետք է թողնել խոսքն ավարտի, լինի դա ճիշտ, սխալ, լավ, թե վատ խոսք։
- Հարգեք երեխային, որ սխալ է գործել և կարող է հիմա կամ քիչ անց ուղղել դա:
Եթե սխալ է արել, պետք է փորձել ուղղել իր հետ սխալը, ոչ թե կենտրոնանալ, որ սխալ է արել և միայն ասել՝ դու սխալ ես արել։
- Պատրաստ եղեք օգնելու այն երեխային, ով փնտրում է, և աննկատ մնացեք այն երեխայի համար, որ արդեն գտել է:
Պատրաստ եղեք օգնելու երեխային, բայց ոչ միշտ օգնեք, երեխան պետք է ինքնուրույն լինի։
- Օգնեք երեխային յուրացնելու չյուրացրածը: Արեք դա՝ շրջապատը լցնելով հոգածությամբ, զսպվածությամբ, խաղաղությամբ և սիրով:
Ինչպես նաև չյուրացրածը պետք է բացատրել այլ կերպ, օրինակ տեսանյութի դիտումով, խաղով և այլն։
- Երեխայի հետ շփման ժամանակ մշտապես դրսևորեք լավ վարքագիծ, փոխանցեք նրան ձեր մեջ եղած դրականը:
Այո, բացասականը թողեք դրսում, երբ մտնում եք խմբասենյակ։